Aizawl : March ni 14, 2024 zing khan Mizoram Police ASI C. Zohmingliana, Champhai PS-a mi leh a hote chuan Chalbawiha Junction Khankawn Police Check Gate-ah lirthei pakhat 407, Regn. No. MZ 04 A-6063, MC Lalnunsiama (34) s/o Ralkapthanga, N. Khawbung khalh, Champhai atanga Aizawl pan chu rinhlelh thu-ah an tiding a, Zu chi hrang hrang eng emaw zat an man.

Lirthei hi endik a nih hnuah ram dang siam beer case 100 (Can 2400) tualchhung rate-a Rs.11,00,000/- hu leh ram dang siam zu (Sozu) case 50 (case khatah 360 ml bottle 20 zel a awm), Rs. 1,80,000/- hu an man. Heng beer leh zu hi bag 200-ah meihawl phurhin an phur a ni. Lirthei khalhtu leh he lirtheia chuang H. Lalngaihzuala, kum 46 s/o H. Dozika, N. Khawbung te pawh man an ni a, Champhai PS-ah thubuai ziah luh a ni.