Odia tawnga ni tin chanchinbu chhuak, Dharitri-a thawk, kum 43 mi chu Inrinni chawhnu khan Odisha-a Maoist helho kam ni ngeia ngaih improvised explosive device (IED) puakah a thi.

Rohit Biswal-a hian Mohangiri khua, Madanpur-Rampur block-a panchayat inthlan turah Maoist-ten vote thlak lo tura mipuite an hriattirna poster en chian tuma a kal chu IED an lo kamin a puah hnan ta tih police chuan an sawi.

Biswal-a hi Kalahandi district-a chanchin hriat hlawh tak, Dharitri-a thawk niin Mohangiri khuaah hian Maoist-ten mipuite chu vote thlak lo tura vauin poster tam tak an tar tih sawi awm finfiah tuma kal a ni.

Panchayat inthlan hi Odisha-ah hian October 16 leh 24 chhunga neih tur a ni.

Kalahandi SP Dr Vivek M Saravana chuan he thil hi chhun dar 12:00 leh 12.30 inkar vela thleng niin a sawi.

“Zing atangin Maoist-te poster tar thlalak hi kan dawng tan a. Maoist-te hian an poster tar bulah hian IED an kam fo avangin dan pangngaiah chuan bomb disposal squad-ten an en fel hma chu kan kal hnai ngai lo va. Chanchinbumi pawh hi kawngpui hnuaia an kam emaw, hmun dang emaw pawh ni se, a tipuak thei khawpin a kal hnai a ni ang. Engtiang chiaha thleng nge kan la chiang lo a ni,” a ti.

Video clip thehdarhah chuan chanchinbumi hi a motorcycle bulah a ruang a let.

Poster-te hi CPI (Maoist)-a KKBN Division tar nia hriat hniin anni hi Kalahandi leh Kandhamal ramria tam tak an ni.

SP hian bomb disposal squad-in uluk taka a bul hnai an endika IED dang kam a awm em tih an chian hma loh chuan an finfiah mai thei lo tih a sawi a. Maoist poster-te hi thingkungah te an tar a. “CRPF sipaiten helho kalkawng ber, Kandhamal district leh a puahna hi tlawhpawh theih lohvin an dang ping nghal,” a ti.

Maoist Chetna

Biswal-a thihna hi Maoist-te chetna avanga Odisha-a chanchinbumi thi vawi khatna a ni.

Chhatisgarh-ah erawh Doordarshan-a thawk, Odisha mi tho, Achutynanda Sahu chu Maoist-ten an lo that tawh.

Sahu-a hi police pahnih nen Aranpur sector, Dantewada district, Chhattisgarh-ah IED puakah October, 2018 khan an thi a ni.