Chawilung branch YMA president te ranvulh chu tun Pathianni khan tu tih hriat loh ten an nghaisa a, Chawilung khawtlang chuan pawikhawihtu man chhuah a nih ngei an phut.

ZALEN thudawn danin, an YMA president te hian an in atanga km 2 tlinglo deuh tur, an khaw dai ah Vawk 8 an vulh a, chung zing a pakhat chu rawng taka nghai sak niin, thi a chhar a ni.

He thil thleng chungchangah hian Sialsuk police te hriattir an ni a, a hmunah pawh thil awmdan an enfiah a ni.

VC, MHIP, UPA PAWL leh Branch YMA ten thuchhuah intawm an siamah, an branch YMA president Lalparmawia te hian a an ranvulh nghaisak a ni chu pawi an ti takzet a, pawikhawihtu a rang thei ang ber a man chhuak turin police department an phut.

Pawikhawihtu hriat chhuah a man a nih chuan a na thei ang ber a hremna pe turin thuneitute an ngen.

Khawtlang hruaituten ruihhlo an dona kawng a vaukhanna te, an ran vulh leh thil neih ten a tuar thin chu pawi an ti hle a, an khuaah leh hmun dangah a thlen nawn tawh lohna turin thuneituten a rang thei ang ber a hmalak thin nise an ti bawk.