ZALEN May 16, 2025 : Chhandamna Kohhran (Salvation Church of India) buatsaih ni 15-18.5.2025 chhunga neih tur BSUP Crusade chu nizan khan Edenthar, Lawipu leh Rangvamual BSUP-ah te a rualin tan a ni.

Crusade tan zan hian BSUP hrang hrangah Rev.Dr.R.Lalsangzuala, Aizawl North Area Pastor ; Edenthar BSUP-ah Rev.C.Rualchungnunga ; Aizawl South Area Pastor - Rangvamual BSUP leh Pastor Rommel P. Ngente, Administrative Officer-Lawipu BSUP-ah te Crusade hi malsawmna hlanin Pathian hnenah a ropui puanchhuahna atan an hlan.

He Crusade-ah hian Chhandamna Kohhran Revival Speaker-te chu speaker atan hman an ni a, Edenthar BSUP-ah Evan P.B. Zonunmawii, Lawipu BSUP-ah Evan Lalramengmawia leh Rangvamual BSUP-ah Evan Upa R.Lalmalsawma leh Evan Upa K.Lalmuanpuia ten hun an hmang a ni. Crusade tan zan atang hian inkhawm an tha nghal hle a, Crusade hian Pathianni, ni 18.5.2025 zan thleng a awh ang. Pathian hnathawh a lo lan theih nan Zoram mipuite tawngtaipuina Chhandamna Kohhran chuan a ngen a ni.