ZALEN May 8, 2025; Kumin January atanga chin hriat loh a bo Christopher Lalruatfela (32) s/o Hmingthanmawia (L), Dawrpui Vengthar bike chu vawiin chawhma khan leimin karah hmuh a ni.

ZALEN thudawn danin, Christopher-a bike hi Vaivakawn Zohnuai leimin-ah laih chhuah a ni a, a la chhe lutuk lo a, police te nen bike an hmuhna hmun hma vel enfiah mek a ni a, he thu ziahlai thleng hi chuan Christopher-a chin hi hriat a la ni lo.

Christopher-a hi January 2025 a an in atanga a chhuak chu a chin hriat zui a ni lo a, vawiin thlengin hmuh a ni lo. Dawrpui Vengthar khawtlang pawhin a zawn hna an lo thawk tawh a, Mizo dan angin ni 7 chhung zawn a lo ni tawh.

#ZalenNews