China chuan a lo sawi lawk tawh angin Tiwan leh a chheh velah ni nga chhung awh military drill a kalpui a, Pathianni khan a hun tiam hi a tawp. Mahse a hmalakna hi a tawp san nghal lo thung a, tha tharin bul a tan leh nghal zat - hei hi US House Speaker Nancy Pelosi-i'n Tiwan a tlawh a duh lohna lantirna leh Tiwan laka a inhrosakna kal zel a ni. 

Chinese military jet te chu Pingtan island chungah an thlawk kual nasa hle a, Tiwan tan ngaihngam taka en liam mai chi an ni lo. Beijing hian vansangah chauh hma a la lo a, tuipui leh khawmualah pawh a chena hle. Taiwan chuan China chetdan hi a dem hle a, military drill a kalpui mek pawh hi indona atana an inruahman lawkna a nih thu a sawi chhuak hial. 

Hetih lai hian Taiwan chuan Chinese aircraft leh lawngte chuan an ram chhung an lut lo tih a sawi bawk a, an ram atanga mel 20 velah chet a la ni niin a sawi. US bakah Australia leh Japan te chuan China chetdan hi an dem thu an sawi tawh a, US hian Tiwan thlavang a hauh avangin China nena an inkar boruak hi a tha lo hle a ni.