Tlangmi leh phai mi te inkarah inhmuhthiam lohna a thleng a, Manipur-ah Zohnahthlak te leh Meitei te thu tharum hmangin hmangin an inbei a, In an inhalsak a, an intihchhiat sak a, silai nen an inep. Chak lakna thlengin an indan sak a. Tlangmi lamin Churachanpur district nih pawh an duh tawh lo. Mizorama beh duh pawl an awm a, Manipur hnuai a ni emaw Mizoram hnuaiah emaw awm duh lo inawpna hran duh an awm bawk.

Tun hnai khan ZALEN chuan Lamka a tlawh a, buaina in a nghawng chu na tak a ni. He huna an mi kawm te chuan an khua chu Churachanpur tia sawi tel an duh tawh lo a, Churachanpur district nih pawh an duh tawh lo. Buai a nih atang khan an khawpui dawr-a Churachanpur tih inziahna te chu rawng an kah hnan tawh a, a sirah Lamka tih an ziak. Zirna In hming te pawh thlak an duh. Mahse, Lamka tih hming put tir tum chungchangah hian an inlungrual thei bik chuang lo niin sawi a ni.

Churachanpur hi Meitei lal hming Churachan-a hming chawia phuah a ni, mahse, hei hi an khaw hming atan an duh tawh lo a, Lamka tih mai chu an duhtawk pawl an awm. Lamka-a cheng te hi chuan Lamka tih mai hi an pawm a, chutih rual chuan hnam thenkhat Lamka tih hminga he khaw hming atana pawm lo an awm bawk. Greater Mizoram chuchanga pawh hetianga deuh tho hi a ni a, hnam thenkhat zingah duh lo an awm.