December 21, 2023; Chief Minister Lalduhoma chu social media platform lar Instagram in blue tick (verified account) an la pe lo.

CM a nih hma atangin Duhoma hian social media a hmang tangkai hle a, a bikin social media hman tlanglawn ber Facebook a hmang tangkai zual thin niin a lang a, hemi vang hian Facebook lamah chuan a CM hmain blue tick a nei tawh.

Instagram lam pawh a CM hnuah uar zawkin a hmang tangkai tih a lang a, followers pawh 47.1k nei tling tawhin, an pun chhoh zel a rinawm a, blue tick pawh Instagram lamin an pek thuai rin a ni.

CM hmasa Zoramthanga khan tun thlengin Instagram ah followers 112k neiin, blue tick pawh pek a ni a, tun dinhmunah chuan followers lamah CM Duhoma'n Ex CM a phak lohna a la sang rih hle.