February 13, 2024; Chief minister Lalduhoma'n ramri kan sawifel hma chuan tu lam ve ve mahin buaina siam loh nise, a chhuah palh pawhin beng daih vat nise tiin Assam CM nen an sawi dun tih a sawi.

Vawiin tlai a thuthar thehdarhtute a kawmna ah he thu hi sawiin, buai hun nghak loin, buai loh lai a ramri chungchang sawi fel turin hmalak a ni tih a sawi a, chumi ang chuan hmalak mek a ni tih a sawi.

Vanapa Hall sak thatna tur project siam a ni tih sawi bawkin, chumi atan chuan Rs. Vbc. 37 DPR siam a nih thu te, chumi bak chu a hmunin a zir lo/lian tawk lo niin a sawi.

CM hian sawrkar laipui hotute leh mi pawimawh dang te nen a an inkawmna te leh Mizoram mamawh a thlen hrang hrangte report a pe tel bawk.

CM thusawi thenkhatte :

> Mizoram Rural Bank a Mizo an luh theih nan, Mizote tan special recruitment nei turin a thlen.

> Home minister hnenah FMR leh border fencing chungchang a an ngaihdan a thlen. "Kan inkawmna boruak ah lo helh tehchiam lo i la kan tisuallo maithei. Beiseina sang tak kan nei."

> Raltlan enkawlna chungchang Home minister ah a thlen.

> "Mizo kan ni a, kristian kan ni a, kan tih a mawilo hi a awm, tu lakah mah lim in hal sak hi ching tawh lo i la ṭha ka ti.

> ZMC chungchang union health minister hnenah a thlen. Meeting a ranglam a koh nghal a lo tiam.

> PM zinbo lai a nih avangin, MoS to Prime Minister hnenah PM hnena kan sawi duh zawng zawng kan thlen.

> Bairabi rel station a buhfai phurtu wagon Pathianni a thleng thin chungchang a thlen a, hmalak nghal an lo tiam.

> Sairang - Hmawngbuchhuah railway line chungchang-ah mipui ngaihdan kan la dawn.

> Sawrkar laipui ah sawrkar hnathawk ten sawrkar dinglai an thlawp ṭha, kan ramah pawh sawrkar dinglai thlawp ṭha lo awm lo i la ṭha ka ti.