Aizawl July 26, 2024 : Ni 27. 7. 2024 (Inrinni) hian ZORO bultumin Zofa chipeng pahnih Chin National Front (CNF) leh Zomi Re-Unification Organisation (ZRO) hruaitute chuan anmahni leh anmahni inkara inhmuhthiam lohna awm chungchangah remna kawngzawha inbiakna hun an nei dawn.

ZRA leh CNA te hi May 2024 thla tir khan inhmuthiam lovin an lo inkap tawh a, nunna chan pawh engemawzat an awm. ZORO chuan unau leh unau inhmuhthiam loh hi tha lo a ti a, pawi a ti a, inremna kawng a zawn rah zarah inbiakna hi neih a ni dawn ta a ni.

ZORO hian palai hnathawkin ZRO leh CNF lam ve ve hruaitute a sawiho pui tawh thin a. Inrem an duh ve ve thu hriat a nih hnuah naktuk 27. 7. 2024 (inrinni) chhun dar 12:00-ah ZORO Vice President Lalmuanpuia Punte, Adviser to CM (Political) room-ah inremna tura inbiakna hmasa hi an nei dawn ta a ni.