Aizawl February 15, 2024 : BJP chuan thuchhuah siamin MPCC Treasurer Dr Lalmalsawma Nghaka'n February 3, 2024-a an Party mite intuaitharna a, Central BJP in a India pawisa Note-ah Hindu Pathian Ram-a thlalak chuan tir tum anga a sawi chu State khat Party lian ve tak hruaitu in a sawi ah chuan a awm ang lo an ti a, dawt hmanga mipui zirtirna pek fo hi bansan hram tawh turin an ngen a, thudik hmanga Politics khel mai turin an ti.

BJP Mizoram chuan, "Mizoram ah hmasawnna tak tak, mirethei thleng phak Development thlentir hi kan duh ber a ni a, intodelhna kawng Mizoram mipui ten kan zawh theih reng si, zawh hleithei lova kan tang rei ta lutuk hi beidawn thlak kan ti hle a ni. Chumi a mawhphurtu pakhat Congress Party ten dawt Politics hmanga Mizoram mipui an bum fo hi sim thuai tur leh tun hnuah chuan ti tawh lo turin kan ngen bawk a ni," an ti.

BJP Mizoram chuan, "Dawt hmanga BJP te bei a, social Media emaw thusawina a thehdarha hma la te chu Dan anga hmalak zel kan tum tawh a. Mipui te pawh thudik lo leh thuchianglo hmanga mipui ti chi ai thei leh dawt hmanga BJP te beihna rawngkai sawi tawh lo turin kan in ngen bawk a ni," an ti bawk.