ZALEN November 17, 2023 : Vawiin khan MPCC chuan Lawmthusawi Inkhawm an hmang a, he hunah hian MPCC President Lalsawta chuan candidate atana mithar 33% lai an neih chu lawmawm a tih thu a sawi a, Lalthanhawla chu a lawm takzet tih a sawi bawk.

Lalsawta chuan, "Tun inthlana kan senior tam tak, Candidate atan la tha tak tak te'n Candidate chuh lova, midang te an kian hi a lawmawm a, mithar 33% lai Candidate kan nei thei a, an chungah lawmthu ka sawi a. Pu Lalthanhawla chungah kan lawm a, Serchhip-ah te a han campaign a, a thawhhlawkin kan lawm takzet a ni. Party pawn atang min Campaign puitu te chungah lawmthu kan sawi a, party chhunga thahnemngai taka thawktu te chungah lawmthu kan sawi a, Candidate te tana an tlin loh hlau a thawktu te chungah lawmthu kan sawi a, Candidate te chungah pawh lawmthu kan sawi bawk a ni" a ti.

MPCC Sr Vice President Lal Thanzara pawhin thu sawiin,"Kan Campaign chhung zawnga Candidate te leh campaigner te min vengtu Pathian hnenah lawmthu kan sawi a. Campaign Committee te, Finance Committee te chungah lawmthu kan sawi a. Dr. Vansanglura, Principal, Serampore College leh LC Tluanga, Tlangnuam veng te chungah lawmthu kan sawi a, thahnemngai taka thawktu zawng zawng te chungah lawmthu ka sawi a ni," a ti.

Lalnunmawia Chuaungo Vice President, leh Treasurer te pawhin lawmthu an sawi bawk.