Covaxin bihchianna

Admin - Nov 07, 2021

Ngaihtuah a tithui deuh

World Health Organization (WHO) chuan India siam Covid-19 vaccine 'Covaxin' chu emergency-a hman atan tun hnai khan a pawmpui ta a, emergency atan chauh a pawm erawh chuan ngaihtuah a tithui deuh. 

Covaxin hi India chuan January thla daih tawh khan a pawm tawh a, ram mipui hnenah pawh dose thahnem tak a pe chhuak tawh. 

He vaccine siam chhuaktu Bharat Biotech chuan Covaxin thawh that zawng hi 78% niin an chhut a, India sawrkar pawhin a him tawkah ngaiin ram mipui hnehah a sem chhuak a ni. Bharat Biotech chairman Dr Krishna Ella pawhin a him tawk lo anga an sawina chhu chhangin, 200% laiin a him tih a sawi. 

Hetih lai hian mithiamte chuan Covaxin hi a him tawk tih fiahna tha tawk a awm loah an ngai a, hei hi WHO pawhin a tawmpui niin a ngaih theih a, emergency atan chauh a pawm rih a ni. WHO expert panel chuan Bharat Biotech hnenah hian thla hmasa khan data kimchang zawk a lo dil tawh bawk a ni. 

Covaxin hi kum 18 leh a chung lam tan lak theih niin, tum hnih lak tur a ni a, kar li danah lak tur a ni. Bharat Biotech hian dose maktaduai 100 chuang an siam chhuak tawh a, India bakah ram thenkhat pawhin he vaccine hi an pawmpui tawh a ni. 

Hetih lai hian he vaccine hi naupang leh nu nau paite tan a him tawk em tih finfiah tha tawk a la awm lo a, hei vang hian WHO pawh hian emergency atan chauh a pawm niin a ngaih theih a ni. 

Share now