DOWNLOAD OUR APP

Read latest news on your phone
app-store

Covid-19: India-ah mi 11,499-in an kai belh leh

Feb 27, 2022

Darkar 24 liam ta chhung hian mi 255-in hripui hi thihpui leh hmanin mi 5,13,481-in an thihpui ta bawk. India-ah hian January thla tawp leh February thla tira Omicron avanga hri kai an pun leh hluai hnuah tunah hian a ziaawm leh tawh a. Ni khata a kai hmuh zat pawh ni 20 chhung a zawnin mi nuai an tling lo leh tawh.

India ramah darkar 24 liam ta chhung khan coronavirus kai mi 11,499 hmuh chhuah leh hman niin mi 4,29,05,844-in an kai ta.

Union health ministry chuan hri kai enkawl lai mi 1,21,881 an la awm thu a tar lang.

Darkar 24 liam ta chhung hian mi 255-in hripui hi thihpui leh hmanin mi 5,13,481-in an thihpui ta bawk.

India-ah hian January thla tawp leh February thla tira Omicron avanga hri kai an pun leh hluai hnuah tunah hian a ziaawm leh tawh a. Ni khata a kai hmuh zat pawh ni 20 chhung a zawnin mi nuai an tling lo leh tawh.

Hri kai hmuh chhuah tawh zawng zawng atanga chhutin hri kai enkawl lai hi 0.28% chauh an ni leh tawh a, 98.52% erawh enkawl dam leh tawh an ni tih health ministry chuan a tar lang.

Darkar 24 liam ta chhung pawh hian a kai hmuh chhuah aiin enkawl dam an tam zawk avangin enkawl lai hi mi 12,354 zetin an tlahniam leh hman a ni.

Darkar 24 liam ta chhung hian sample endik zinga 1.01% chuan an kai tih hmuh niin chawlhkar khat liam taa endik 1.36%-in an kai bawk.

Share now