Covid: A kai pun chaknaah sorkar laipuiin lehkha thawn
Sorkar laipui chuan tun hnaia ram chhunga hmun thenkhata coronavirus kai an pun thar leh state pasariha sorkarte che chak tura hriattirna a thawn.
Delhi leh state dang parukte hnenah hian inendik te, Covid kaichhawn lohna tura inkaihhruaina te leh invenna pekte tihchak turin a ti a ni.
Delhi bakah hian Kerala, Karnataka, Maharashtra, Odisha, Tamil Nadu leh Telangana sorkar hnenah Union Health Secretary Rajesh Bhushan chuan sakhaw hunpui thleng mai turah punkhawmna lian a awm nual dawn avangin he hun hi ram puma hri darh lehna phahna a ni thei tih a hrilh a ni.
August 5-a lehkha a thawna hmalak dan tur a tihnaah district tinah RT-PCR leh antigen hmanga tam zawk endik te, a kai tamna district vil uluk lehzual te, endik zinga a kai hmuh zat bi tamna hmun te uluk lehzuala vil turin a ti bawk.
Lehkhaah hian Bhushan chuan ram khawpui berah ni khata hri kai chu thla liam ta chhungin chawhrualin mi 811 a ni a, August 5-ah pawh mi 2,202-in an kai tih a tar lang.
August 5 atanga chhiat leta chawlhkar khat chhungin Delhi hian ram puma hri kai hmuh zinga 8.2% zet a ni tih tar lan a ni.
Kerala-ah pawh thla liam ta chhungin ni tin mi 2,347 kai zel ang leh Maharashtra-ah mi 2,135 a nih thu Bhushan-a lehkhaah chuan tar lan a ni a. A lehkhaah hian district tina kai an pun chak dan a tar lang bawk.
Latest News & Chhiar Hlawh
-
1m | Apr 24, 2024
-
1m | Apr 24, 2024
-
1m | Apr 24, 2024
-
1m | Apr 24, 2024
-
5m | Apr 24, 2024
-
2m | Apr 23, 2024
-
1m | Apr 23, 2024
-
1m | Apr 23, 2024
-
3m | Apr 23, 2024
-
1m | Apr 23, 2024
-
1m | Apr 23, 2024
-
1m | Apr 23, 2024
-
1m | Apr 22, 2024
-
1m | Apr 22, 2024
-
1m | Apr 22, 2024
-
2m | Apr 22, 2024
-
1m | Apr 22, 2024
-
1m | Apr 22, 2024
-
1m | Apr 22, 2024
-
1m | Apr 22, 2024