Aizawl, Forensic Science Laboratory (FSL)-a mi thiamte chu, kum 2000 atanga 
kumin June thlengin pawi khawihna hmun 1,575 ah kal tawhin,  2020-2021 
chhung khan FSL mithiamte chuan tualthahna chungchang enfiah 28 an nei.

FSL record a tarlan a nih danin, kumin January - June chhung khan 
pawi khawihna (crime scene) hmun 26 -ah an kal tawh a, thubuai 445 an enfiah 
zo a. Hnuchhuina kaihhnawih peng hrang hrang an hmuh chhuah zat chu 2,120 
niin, pawi khawihna thubuai leh an endikna kaihhnawihah court ah vawi 85 an 
ding tawh bawk.

Kum 2000 atanga kumin June thla thleng khan FSL mithiam te hi pawi 
khawihna hmun 1,575 ah kal tawhin, thubuai 11,339 an enfiah zo tawh a, pawi 
khawihna peng hrang hrang an hmuh chhuah zat chu 1,18,970 niin, thubuai leh 
an endikna kaihhnawihah court ah vawi 2,769 an ding tawh bawk.

Kum 2000 atanga kumin June thla inkar chhunga FSL mithiam te pawi 
khawihna hmuna an kal tam ber kum chu 2010 kha niin, vawi 192 an kal a, 
thubuai enfiah an neih tam ber 2014 chhung khan case 1,154 enfiah zawh an nei 
a, court a an din tam ber pawh 2014 tho kha niin, vawi 383 court ah an inlan 
bawk.

Kum kal ta 2020-21 chhung khan FSL mithiamte'n tualthahna thleng 
vawi 28 enfiah an nei a, chhan hriat loh a thihna thleng vawi 5 enfiah bawkin, 
mipat hmeichhiatna chungchanga pawikhawihna thleng 10 enfiah an nei bawk.