June 20, 2023; Mizoram Pradesh Congress Committee (MPCC) chuan vawiin ah mithar lawmlutin, chung zingah chuan Mizoram chief secretary hlui Lalnunmawia Chuaungo a tel.

Mithar lawmluhna hun hmanna, Vanapa Hall ah thusawiin MPCC president Lalsawta chuan thu sawiin, Mizoram in ram kan nei tha tih sawiin, mipui pawh kan nei tha, ram leh mipui nei tha kan nih avangin dinchhuah kan hmabak a ni, a ti

Sawrkar tha neih leh neih loh chu N Korea leh South Korea ah a chiang a ni ti bawkin, "Party thenkhat chuan an sum neih tam an hmachhuan a, an lung timuangtu pawh a ni, keini chuan sum kan nei lo," tiin, an candidate tur te phur te pawh lo ti rit lo turin a ngen.

"Party thenkhat chuan an pawisa neih hmachhuan a, inthlan hmachhawn an tum laiin, keini chuan Pathian lam kan hawi mai a ni," tiin, "Kan mamawh huna kan auh a min tibeidawng ngailo kan Pathian hian Zoram chhiat hi a phal ka ring lo, ti tha thei turin keini hi min koah i ngai ang u," a ti bawk.