Aizawl July 26, 2024 : Mizoram Common Services Center (CSC) te chuan an din champha kum 15-na vawiin khan I&PR Auditorium, Aizawl ah lawmna an nei. Vawiin vek hian IOC distributor te nen inremna ziakin CSC te hi LPG distributor awm lohna khuaah LPG gas sem thei turin inremna ziah a ni, connection thar leh booking pawh an tihsak thei tawh dawn.

Inremna hi CSC-te leh India Oil Corporation Ltd-a distributor te hian State Guest House, Chaltlang ah an ziak a. He program ah hian IOC hnuai a LPG distributor te leh CSC te an tel. He inremna thuthlungin a tum ber chu LPG distributor te awm lohna khuaah CSC ten mipui te awlsam zawk nan LPG gas an sem thei tawh dawn a. CSC pakhat-in Distributor hnen atangin vawikhat lakah bur 7 zel a lak theih bakah New Gas Connection leh Booking te pawh a tih sak nghal thei dawn a ni.

CSC te hian service hrang hrang Sawrkar Service Tribal, Income, Residential Certificate, Aadhaar, Banking,Digipay, Mini ATM, Pancard, Mobile recharge, Insurance hrang hrang, PM Welfare scheme, Agriculture, Health, Education leh Skill, Legal, Grameen e-store, Tours & travels te leh a dang te mipui hnenah service an pe a, Mizoram ah tunah CSC 1126 an awm mek a, nikum Financial Year chhungin CSC ten service hrang hrang atangin pawisa fai cheng vaibelchhe 69 chuang an thawk chhuak a ni.