July 12, 2023; An hnathawhna ah che sualin Cheural khaw tlangval Lalsangliana Current man avangin a boral Lawngtlai District chhunga Cheural khua ah vawiin 12.7.2023 chawhma lam khan Tv. Lalsangliana (23) S/o F. Pahlira chu Cheural a mi in sa a an inhlawhfakna ah chesual palhin current man avangin a boral.

Lalsangliana leh a thiante hi in sa a inhlawhfa in grinder-hmangin insakna Rod lawr te chu an tan bung a, hetia hna an thawhna ah hian current anlakna extension chord chu zak zehin vanduaithlaktakin extension chord- a zak zeh atanga current leak chuan aman a, Lalsangliana hian extension a zak zeh lai hian Silipar emaw pheikhawk pawh a bun lova, inchung huh ah kelawng in hna hi a thawk niin kan thudawnna chuan a sawi.

Extension Chord atanga Current leak in aman hian a bul hnaia a ṭhiante chuan rang takin current hi plug atangin lo off sak nghal mahse current hian Lalsangliana hi a lo shock na hman hle tawh bakah current in aman avanga atlukna lamah a chal leh bek inkar chu a tauh bawk niin a hna thawhpui a ṭhiante chuan an sawi a ni.

Rang takin Lalsangliana hi Sangau Damdawiin (PHC) panpui nghal nimahse vanduaithlaktakin a nunna an chhan hman ta lo a ni. Aruang hi naktuk ah Cheural thlanmual ah vuiliam a ni ang.