Cyclone Gulab: Andhra Pra-desh leh Odisha nuai dawn

Admin - Sep 25, 2021

Darkar khata km 70 - 80-a chak thlipui a keng dawn niin an sawi

India Meteorological Department (IMD) chuan Bay of Bengal-a thlipui inmung mek chu darkar 12 lo awm leh tur (Thawhtanni chhun vel) chhung hian Anfhra Pradesh hmar lam leh a thenawm, Odisha chhim lam a nuai dawn niin an sawi.

Inrinnia deep depression ni mek hi Pathianni zanah chuan cyclone a nih hman rin a ni a. Cyclone Gulab tia a hming vuah a ni.

Gulab hian darkar khata km 70 - 80-a chak thlipui a keng dawn niin an sawi a. Weather department hian Kalingapatnam - Vishakhapatnam leh Gopalpur-ah inralrinna a khawng ri.

Cyclone hian khawthlang lam hawi hret hret zelin darkar 24 lo awm leh turah chuan chhim lam a her hret dawn niin an sawi lawk.

Deep depression hi Inrinni khan Andhra Pradesh-a Gopalpur atanga khawchhak lam, chhimchhak lam hret si km 470 vel leh Kalingapatnam atanga khawchhak lam km 540 vela hlaah a awm mek niin IMD chuan a sawi.

gulab ngnghawng tur

Ni thum lo awm leh tur (Thawhlehni thleng) chhung hian Odisha, West Bengal leh Andhra Pradesh vaukam hnaih tuipui chu phul nasa hle tura hmuh lawk a ni.

Coast Guard chuan heng hmunah hian sangha mantute chu che chhuak rih lo turin an hriattir tawh a. Inrinni atang phei chuan thu leh awm hma chu tuipui thuk lam dai tawh rih lo turin an ti.

IMD chuan Gulab hian Pathianni atang hian Andhra Pradesh leh Odisha vaukam hnaih leh Chhattisgarh-ah chuan ruah sur nasa avangin kawngpuite tuiin a chim phah thei dawn a, hmun hniam laiah phei chuan tui a tling dawn niin an sawi a. Hei hian ni hnih vel a awh dawn niin an sawi bawk.

Special Relief Commissioner (SRC), Odisha chuan Gulab thlen theihna district-a an collector zawng zawngte chu khawchin ngaichang ngun turin a hriattir.

 IMD chuan Gulab avang hian India khawchhak leh lailiah ruah tam tak a sur dawn niin a sawi lawk.

Share now