DOWNLOAD OUR APP

Read latest news on your phone
app-store
Cyclone Tauktae-in India pan mek zel
May 15, 2021

Cyclone Tauktae (Tau’Te tia lam tur) chuan India hmarthlang lam a pan mek zel a, naktukah hian cyclone hlauhawm tak, very severe cyclonic storm a ni tawh dawn.

India Meteorological Department (IMD)-in nimin tuka hriattirna a chhuahah chuan Arabian Sea-a deep depression awm hi cyclonic storm-ah a insiam tawh a, Lakshadweep thliarkar zawnah a awm mek tih a sawi.

Tauktae  hi very severe cyclonic storm-ah Thawhtanni hian a insiam hman tawh dawn a, thlipui darkar khata km 150 atanga km 160 thlenga chak a keng ang.

Hmarthlang lam hawi hret hret zela kal tura ngaih a ni a, Gujarat vaukam, Porbandar leh Naliya inkarah Thawhlehni chawhnu emaw, tlaiah emaw khawmual a kai rin a ni.

Tauktae avang hian Kerala-a vaukam hnaih pangate pawh inring turin IMD hian Inrinni khan a lo ti tawh a. Thiruvananthapuram, Kollam, Pathanamthitta, Alappuzha leh Ernakulam-ah inrin a ni.

Hetih lai hian Kerala hi cyclone hi chuan a thleng dawn lo nia ngaih a ni a; mahse, a ken tel, ruahpui, thli na thawkhat leh tuifawn erawh a thlen rin a ni.

Airports Authority of India (AAI) chuan Tauktae-in India a pan mek lai hian thlawhna tumhmunte chu tun dinhmunah chuan khar tumna a la awm ni niin a sawi.

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh