Aizawl July 14, 2024 : Central YMA chuan nimin khan Central YMA Hall-ah Cyclone Remal avanga chhiatna tawkte tanpuina, hmun hrang hrang atanga a dawn khawmte semna hun a hmang a. He hun hi Fabian Lalfakawma, Assistant Secretary, Central YMA-in a kaihruai a. Upa Zochhuana CEC-in hunserh a hmang a, Prof. Malsawmliana, General Secretary-in chhiat tawhna thlen dan hrang hrang leh tanpuina luh dan report a pe bawk.

CYMA Vice President Prof. Lalnuntluanga chuan thu sawiin YMA chu tanpui ngaite tanpuitu pawl a nih angin lusun mangang, chhiat tawkte tanpuitu pawl a nih thu a sawi a, YMA hi amah maia ropui a ni lova Mizo mipui, YMA memberte avanga innghahna tlak pawl a nih mai thu a sawi.

“Mizote tana pawl ropui leh innghahna tlak, tanpui ngaite tanpuitu YMA-ah hian i tui thar zel ang u,” a ti.

YMA-in chhiat tawk chhungkuate a tawrhpui thu leh tanpuina petu zawng zawngte chungah lawmthu a sawi bawk.

MS Ralte, Finance Secretary kaihhruainain chhiat tawkte tanpuina sem chhunzawm a ni a. Tanpuina sem chhuah zat hi Rs.56,54,000 a ni.

Roneihthanga, Treasurer-in chhiat tawk chhungte tawngtaisakna leh lawmthu sawina hun a hmang a. He hunah hian chhiat tawk chhungte thahnem tak an kal bawk.

Tanpuina semna hunah hian hmun hla zawka awmte - Lunglei, Serchhip, Saitual, Mamit leh Khawzawl Sub- Hqrs hnuaia mi te chu tanpuina thawn an ni.

Cyclone Remal tuarte tanpuina pek dan :

1. MITTHI

Mitthi zawng zawng 37 (Mizo 29, Hnamdang 8)

Tanpui tur chungkaw 11 @1,00,000/-

A vaiin Rs 11,00,000.00

2. IN/BUNGRAW CHHIA

In/ Bungraw chhia 309 atangin report an dawng. Tanpui tur In chhe vek :

Aizawl = 32 @ Rs. 27,000/- = Rs. 8,64,000.00

Aizawl Pawn = 110

Total = 142

In chhe vek tanpui dan :

i. Lunglei Sub Hqrs

In 2 @ Rs.27,000/-1@10000/- = Rs. 64,000.00

ii. Serchhip Sub Hqrs.

In 3 @ Rs.27,000/- = Rs. 81,000.00

iii. Mamit Sub Hqrs

In 2 @ Rs.27,000/- = Rs. 54,000.00

iv. Khawzawl Sub Hqrs

In 3 @ Rs.27,000/- = Rs. 81,000.00

v. Saitual Sub Hqrs

In 3 @ Rs.27,000/-, 1 @ 10,000/- = Rs. 91,000.00

vi. Hmuifang Tlang Group

In 16 @ 27000/- = Rs. 4,32,000.00

vii. Zawlbuk Group

In 24 @ 27000/-,1 @ 30,000/- = Rs. 6,78,000.00

viii. Chhimphei Group

In 47 @ 27000/-, 2 @10,000/- = Rs. 12,89,000.00

viii. Khuangchera Group

In 10 @ 27000/- = Rs. 2,70,000.00

A vaiin Rs.30,49,000.00.

3. BUNGRAW CHHIA.

Bungraw chhia 18 @ 10.000.00

A vaiin Rs. 1,80,000.00

4. THLANMUAL CHHIA

Thlanmual chhia Report 16 dawn a ni a, a chhiat nasat danin Category I & II ah then a ni.

Hetiang hian tanpuina pek a ni.

Category-I-ah 4 @ 50,000/-

Category-II-ah 5 @ 30,000/-.

A vaiin Rs, 3,50,000.00

5. Hlimen Relief Camp insak tanpui nan Rs.1,00,000.00

6. Hliam tuar damlo, Clara Zoremmawii – Kum 6 D/o Baby Zoremsiami kan nan Rs. 10,000.00

7. Hortoki Joint YMA Ruang zawn buaipuina - Rs.10,000.00

8. Tanpuina semchhuah zawng zawng - Rs. 56,54,000.00