September 18, 2023; Vawiin hian Mizoram Ex- Servicemen Association hnuaia Mizoram Veteran Multipurpose Cooperative Society chuan Manipur unaute tanpuinan Rs.3,00,000/- Central YMA hnenah an hlan.

Central YMA hruaitute PR. Lalngheta, President, Prof. Malsawmliana, Assistant Secretary leh CEC member ten an lo dawng sawng.

Ni 14.09.2023 (Ningani) khan Aizawl Hrangkhawl Welfare atangin Rs. 15,000/- leh Hrangkhawl Welfare, Kamalacherra, Tripura hnen atangin Rs.49,000/- an dawng bawk.

Central YMA hruaitute chuan Manipura Zo hnahthlak unauten harsatna an tawhnaah khawvel hmun hrang hranga Zo hnahthlak unauten kan ngaihsakna leh tuarpuina kan lantir thin hi a ropui an tih thu leh kan tanrualnaah lawmthu an sawi.