December 22, 2023; Central YMA in Aizawl leh a chheh vela Raltlan awmna Relief Camp te hnenah Krismas thilpek a pe.

Buhfai, Dal, Alu, Têl leh Artui  chu Aizawl leh a chhehvel hmun 8-a kan unau Myanmar raltlante awmna Relief Camp ah Central YMA chuan Krisma thilpek atan tukin Ni 22.12.2023 (Zirtawpni) zing dar 8:00 khan a sem chhuak, Cheng Nuaih li (Rs. 4,00,000/-) sen ral a ni.

He thilpek sem chhuahna hun hi Central YMA Office Tuikhuahtlanga tualah neih a ni a, raltlante puala relief camp hmun hrang hrang a awm aiawhten an dawng a ni.

Bungrua te hi relief camp phurh thlen nan pick up 5 hire sak an ni bawk.

Tukina thilpek sem chhuah hi avaiin Buhfai Bag 68, Dal bag 15, tel case 38, Alu bag 48 bakah Artui case 25 a ni a. Camp-a mihring leh chhungkaw awmzat a zira sem chhuah a ni.

He thilpek sem chhuahna hunah hian Central YMA President chuan thuchah tawi sawiin kan hunpui ber Krismas lo thleng turah hian YMA te chuan kan rilru leh ngaihtuahnaah harsatna namen lo tawh avanga Mizoramah "Mizo Inpui" Central YMA bela rawn raltlante, Krismas lo thleng tur hmuah nana ei leh in tur chhete tal hlan che u hi CYMA Committee in a rel a , kan theih ang tawk kan hlan che u a ni, beitham hle mahse kan Krismas thilpek che u hi lawm taka min pawmsak kan duh a ni a ti.

Thilpek dawngtuten lawmthu sawiin, Myanmar lam kaihnawih pawl hrang hrang intel khawmna Network for Unity Association (NUA) hruaitute pawhin he hun hi hmanpuiin raltlante aiawhin lawmthu an sawi bawk a ni.