Puerto Rican singer Daddy Yankee chuan kum 30 chuang zet a lo chenchilh tawh rimawi khawvel chu a chawlhsan dawn tih a puang ta rup mai le. Tunah a chawl nghal dawn tihna erawh a ni lo deuh - March 24 hian tour kharna a nei ang a, EP a tichhuak leh bawk ang. Hemi hnuah erawh kum 32 zet a lo luhchilh tawh music industry chawlhsan zai a rel ve tawh dawn a ni. 

Kum 45 mi Daddy Yankee hian rimawi khawvelah sulhnu ropui tak a hnutchhiah a, a la hnutchhiah mek zel bawk. Luis Fonsi nena an sak 'Despacito' chu khawvela hla lar berte zingah chhiartel a ni reng tawh dawn a, an record ropui tak avangin ngaihsan an hlawh reng tawh ang. He hla hian YouTube-ah entu mi tluklehdingawn sarih (7) chuang zet a nei tawh a, an la puang zel bawk!