February 9, 2024; Mizoram Police-in Champhaiah damdawi leh kuhva rah tam tham tak an man.

Ruihhlo tawlh ruk titawp tur leh mipui him nan Mizoram Police chuan theih tawp a chhuah zel ang. Champhai District Police chuan ruihhlo leh kuhva rah tawlh ruk do beihpui thlak mekin, ni rei lo te chhungin hlawhtlinna duhawm tak an nei.

1. Ni 08.02.2024 chawhma dar 11:50 khan 'A' company, 42nd Assam Rifles leh Zokhawthar Police chuan Vawmkaw lui, Zokhawthar chheh velah joint operation an nei a, damdawi mum 30,300, 3.452 kgs.-a rit, methamphetamine ni ngeia hriat Rs. 44,87,600/- man hu leh pawisa fai Rs. 17,49,500/- (cheng 500 note) chu Harich Uddin (40) s/o Samar Uddin, Naya Bazar, Karimganj, Assam-a cheng inti hnen atangin an man. An mi man leh a lirthei (AURA) Regn. No. TR01B2-0381 an man bawk a, Zokhawthar Police Station-ah thubuai ziah luh a ni.

2. Ni 07.02.2024 khan Champhai Police leh Assam Rifles chuan Mualkawi khaw daiah chuan joint operation an nei a, zan 10:00-ah heroin nia hriat hawng 50, 605 grams-a rit, Rs 18,15,000/- man hu chu vehicle (Taxi) Regn. No. MZ-04A 8953, Lalremruata (23) S/o Rohmingliana, Zokhawthar nia inchhal khalhah an man a, taxi hi Champhai atanga Zokhawthar pan a ni. Champhai Police Station-ah thubuai zuah luh a ni.

3. Ni 07.02.2024 zing dar 2:10 khan Hnahlan Police Beat post-a duty-te chuan Hnahlan khaw daiah kuhva rah hring bag 40 (bag khat-ah 80 kgs awmin Rs.6,40,000/- man hu a ni) SML Truck Regn. No. MZ 01W- 1086 atangin an man a. Kuhva rah neitu leh lirthei khalhtu hi F.Lalmalsawma (38) S/o F.Lalthlangliana, Hnahlan Tlangnuam Veng niin Custom Preventive Force Superintendent, Champhai hnenah hlan a ni ang. Kuhva rah hi dan loa Myanmar atanga lo lut nia hriat a ni.

4. Ni 07.02.2024 zing 5:00 khan Champhai Police, Chalbawiha Junction Khankawn Police Check Gate-a duty leh Champhai PS OC kaihhruai patrolling party-te chuan kuhva rah ro bag 100 (bag khat-ah 80 kgs awmin Rs.5,20,000/- man hu a ni) Truck Regn. No. MZ 02 - 7941 Malsawmkima s/o Laldika (L), Melbuk-a mi khalh atang leh kuhva rah ro tho, bag 100 Truck Regn. No. MZ 01B-7387 Thiansuanpianga (21) s/o Darthuam, Melbuk-a mi khalh atangin an man. Heng kuhva rah ro neitu hi Saikhumi (57) w/o Laldika (L), Melbuk khua nia hriat a ni. Kuhva hi dan loa Myanmar atanga lak luh nia hriat a ni a, Custom Preventive Force Superintendent, Champhai hnenah hlan a ni ang.

January ni 1, 2024 atangin Champhai Police-te chuan heroin 3.380 kgs., Rs. 1,01,40,000/- man hu, Methamphetamine 15.152 kgs. Rs. 1,96,97,600/- man hu, Crystal meth 10.385 kgs., Rs. 31,15,50,000/- man hu leh kuhva 45,190 Rs. 40,60,150/- man hu an man tawh a ni.