September 18, 2023; Serlui atanga balu la tu mi 3 te chu thubuai siamsak an nih hnuah, court a inlan tur a tih an ni.

Serlui atanga balu la tu Lalbiaknia s/o Selkhuma, Kawngthar Veng, Vairengte, Lalhmudika s/o Thanghnuna, Saiphai leh Lalramnghaka, Saiphai te chu District Court, Kolasib in September 19 ah court-a inlan turin a hriattir a.

Court thuchhuak tarlan danin Riverine Reserved Forest huamchhung, Serlui-ah hian balu lak thu report an dawn bawhzuiin Vairengte RO Marcellas Hunlawmawm leh a naute chuan August ni 23, 2023 khan fiah turin an kal a, hemi tum hian an lo tlanbo vek avangin tumah man an awm lo. An balu lak, avaiin metre 21 leh balu lakna atana hman lawng man a ni a, an pathum hian 'The Mizoram (Forest) Act 1955' tlawh chhanin thubuai siamsak an ni.