China-in nasa takin dodal mah se United States House of Representatives speaker Nancy Pelosi chuan nizan khan Tiwan a tlawh a, President Tsai Ing-wen nen meeting an nei. Nancy Pelosi-i'n Tiwan a tlawh hi China chuan a duh lo hle a, Tiwan leh a chheh velah millitary drill a neih nghal tur thu a puang. 
 
Nancy Pelosi hian Asia ram hrang hrang a tlawh dawn a, a tirah chuan a tlawh tur zingah Tiwan hi puan a ni ve lo. Mahse US chuan tun hnai khan Nancy Pelosi-i'n Tiwan a tlawh tur thu hi a puang a, China chuan na takin a sawisel nghal a, vauna thu pawh a chhak chhuak. Russia pawhin China a thlawp a, US chet dan chu a dem thu a sawi bawk. 

Democrat hruaitu Nancy Pelosi hian President Tsai Ing-wen a hmuh hnuah Tiwan hi a chhuahsan zui a, mahse China chuan Tiwan atanga bungrua a lakluh thenkhat chu a titawp tih a puang zui. China hian Ningani atangin ni nga chhung awh tur tui leh khawmualah live-fire military drill a kalpui dawn tih a puang a, ram pahnih inkar boruak a chhe hle.

Nancy Pelosi hi kum 25 chhunga US mi pawimawh zinga Tiwan tlawh hmasa ber a ni.