ZALEN, Mar. 29, 2025: Aizawla Electric Veng Branch YMA Literature & Education Sub-Committee hmalaknain Sakawrpuluiah a thlawnin zirlaibu hlui la hman tlakte sem a ni a, an veng chhung leh pawn mi thahnem takin an la.

Zirlaibu sem chhuahte hi mi hman hnu, la tha site niin a neituten kar kalta chhung khan YMA hnenah an pe khawm a, YMA hian a thlawnin a sem chhuak leh ta a ni.

Electric Veng YMA hian hetiang hi hlawhtling takin an lo ti tawh a, tangkaipui pawh a tam hle a, “Mi dangte tana malsawmna nih hi zirnain a tum pawimawh tak pakhat a ni a, a mamawhtute hnen a thleng hi kan lawm hle a ni,” tiin Electric Veng YMA chuan an sawi.

Zirlaibu sem bâng la awmte chu an banch YMA Library-ah an dah khawm a, a mamawhte tan a lak zel theih tih an sawi a. Sem tur thawhtute zawng zawng chungah lawmthu an sawi bawk.