ZALEN April 30, 2025; Excise and Narcotics department chuan April ni 30, 2025 (Nilaini) zing dar 8 bawr khan Zokhawthar Road, Champhai District-ah Heroin gram 451.100 (Hawng 40) leh a neitu nia puh – Rohlupuia (38) s/o Sangliana, Tuirial Airfield Veng-a khawsa nia inchhal an man.

Heroin phurhna atana hman Ignis Car Registration No. MZ01 AD-3270 pawh hrensak nghal a ni. He case-a inhnamhnawih nia sawi pawh Court phalna lain man tuma beih mek a ni bawk.

Heroin vanga man, Rohlupuia hi Section 21 ( c ) of The Narcotic Drugs & Psychotropic Substances Act, 1985 tlawhchhanin thubuai siamsak an ni a, 30th April,2025 khan District & Sessions Court, Champhai-ah hruai nghal a ni. He thubuai-ah hian thiam loh a chang a nih chhuan Jail-ah kum 10 atang Kum 20 chhung tang turleh pawisa Cheng Nuai 1 atanga Nuai 2 thleng chawi bawk tura rem theih a ni ang.

Excise & Narcotics dept. chuan thuchhuah siamin, tunlaiin Mizoram hmun hrang hrangah sawrkar phalsak Hnahlan leh Champhai (Tlangsam)-a siam wine ni lo, mi thenkhatin thei leh ser leh thildang hmanga alcohol tel wine leh in tur chi hrang hrang an siam zuar leh in an awm thin tih an tarlang a. Hengte hi tunah chhuan Danin a khuahkhirh mek leh chumi bawhchhia chu dan tlawhchhana hrem theih an nih avangin hetiang thil zuara, lei lo tur leh in lo turin mipuite an hriattir.