Euro 2022-a England nuho chak an lawmna kal zelah Sea life centre, Scarborough te chuan an star player Beth Mead-i hming chawiin an Octopus football ngainatu pakhat hmingah Beth Mead an phuah hmiah.

Tun Pathianni khan Euro 2022 final-ah Lionesses hian 2 -1 Germany an hneh a, Scarborough lam chhuak, Beth Mead chu ropui taka khelin, 2022 Women’s Euros Golden Boot award leh Player of the Tournament award a dawng kawp thei a, Euro Championship-a goal thun tam ber record chelh mektu Germany striker Alexander Popp-i record a nih rualpui chiah bawk.  

Sea life centre, Scarborough te chuan an footballer ropui Beth Mead hming chawiin an octopus chu Beth Mead tih hming an phuah sak. 

Andy Turner, SEA LIFE Scarborough general manager chuan, "Lionesses ten history an siam kha kan chhuang takzet a ni. hun rei tak chhung England hian major tournament kan chawi tawh lo. Kan rama football a rawn kir leh aia hlimna hi kan nei tawh bik chuang lovang," a ti. 

Sawi zawmin,“Tun tournament-ah khan Beth Mead-i kha a chetha tluan zak a, Whitby kiang maia piang a lo ni bawk nen amah chawimawi dan kawng nia kan hriat, a hming chawiin kan octopus football ngaina em em tu hming chu kan phuah ve tawp mai a ni. Tun generation-a sports star te hian sap naupang tam tak te tum ram thlengin turin a chawk phur ngeiin ka ring. Bakah kan octopus hminga Beth Mead tih kan phuah hian, Sea life rawn tlawhtute hnenah Mead-i chanchin kan lo hrilh pah zel theih kan beisei bawk," a ti.