ZALEN September 5, 2023 : Excise & Narcotics Department chuan September 5, 2023 (Thawhlehni) chawhma dar 10:10 AM khan P&E Veng, Serchhip-ah heroin gram 915 & mg 400 (Hawng 79) leh a neitu nia puh mi panga an man.

Heroin an man sak te hi, Md. Muslek Uddin (23) s/o Abdul Basit, Brahmansasan, Karimganj, Assam; Abul Khayer Mohammed (37) s/o Abdur Rakib, Nalua Rani Gram, P/S Nilam bazar, Karimganj, Assam; Abdul Karim (35) s/o Khalek Miah, Sagaibari, P/S Dharmanagar, Tripura; Sahin Ahmed (27) s/o Abdul Latif, Nilambazar, Karimganj, Assam; Sirajul Hoque (25) s/o Abadur Rahman (L), Bakir Chal, Karimganj, Assam-a khawsa nia inchhalte an ni.

Heroin tawlhtute hnen atang hian heng heroin phurhna atana an hman lirthei pahnih – Mahindra Bolero (Regn no. AS 11V 5670) leh Maruti Alto K10 car (Regn No. AS 10B 1115) pawh hrensak nghal an ni. Heng heroin te hi State pawna hralh tum mek lai a ni.

Heroin vanga mante hi The Narcotics Drugs & Psychotropic Substances Act, 1985 (NDPS Act) tlawhchhanin thubuai siamsak an ni.