ZALEN: Nizan (30.12.2023) dawr 7.00 PM a Canteen Road, Falkland a motor part dawr G&M Automobile, bungraw chuh hman loha kang ral hlut zawng chu Rs Nuai 40 bawr vel niin ZALEN chuan thu a dawng a. Dawr neitu George Lalbiaksanga chuan, 'A petuin min pe a, min laksak leh a, a dang min pe leh mai ang' tiin ZALEN a hrilh.

Thudawnnain a sawi dan chuan dawr kan chhan hi hriat a ni mai lo a, rinhlelh tur mai an hre loa, "Electric wiring a nih kan ring lem loa, mi hal ti dawn ila mi pawi kan sawi kan hre bawk si lo a. Eng pawh ni se, A petu-in min pe a, min laksak leh a, a dang min pe leh mai ang', tih hi kan ring ve tawp a ni tiin ZALEN a hrilh bawk. 'Hliam kan awm lo a, Lalpa zarah engkim a fel leh mai kan ring tawp bawk a, in tawngtaina-ah min lo hre reng dawn nia,' tiin a sawi bawk.

Mi tlawmngai te leh Fire department tangkawp ten hun engemaw chen an beih hnuah kangmei hi an thelh thei ta a ni.