September 8, 2023; Mizoram Police leh mi thahnemngai ten zirtirna an neih nasat vang nia ngaih theih turin, political party ten social media an hmang thiam chho zel niin a lang a, tun hma lam a party anga inpuh hmingchhiatna FIR thehluh awm fo thin pawh tunah chuan hriat tur a awm ngai ta mang lo.

ZALEN in a hriat theih chin-ah tun hnai chho ah chuan party leh party inpuh hmingchhiatna chungchangah police a FIR thehluh ngai khawp a awm ngai ta mang lo a, hun kal tawh lamah kha chuan heng ang thubuai hi party ten an inthehluh siak emaw tih mai turin, thubuai hla buai a tam thin.

Hetiang a party te social media hman kawnga hma an sawnna hi anmahni party huang chhung theuh a an inzirtir thinna bakah, police leh mi thahnemngai te hmalakna a ni pakhat bawk a, hetihlai hian party mi, mi thahnemngai fal, tlem a la kal thui deuh hlek te erawh an la awm zauh zauh thin thung.

Tunhnai ah pawh party thuchhuah ni lo in, mimal anga party hruaitu pakhat chu thu mu hnu hmanga beih a lo ni chiam tawh a, hemi chungchangah hian police ah thubuai thehluh a ni.

Inthlan kum a ni a, social media leh chanchinbu kaltlangin party tin ten tan an la nasa chho hle a, a awm tawk hriat a, mahni party tan a tan kan lak thiam a tul chho zel dawn.

A nih loh chuan tan kan lak luat ah mahni party hmai ti baltu kan ni thei tih kan inhriat a tul hle ang. Mipui an fing tawh!