DOWNLOAD OUR APP

Read latest news on your phone
app-store

Football chanchina striker tha ber pahnihna Ronaldo

Mar 27, 2022

Football-ah hian eng position nge pawimawh ber tiin inzawt ta ila, sawi mai chu a harsa viauin a rinawm. A chhan chu position hrang hrangte thawhhona hmanga khelh a ni tlat. Amaherawhchu, chak turin eng position nge pawimawh ber kan tih chuan, pet goal tu striker te hi kan ti ngam thung ang. 

Football-ah hian eng position nge pawimawh ber tiin inzawt ta ila, sawi mai chu a harsa viauin a rinawm. A chhan chu position hrang hrangte thawhhona hmanga khelh a ni tlat. Amaherawhchu, chak turin eng position nge pawimawh ber kan tih chuan, pet goal tu striker te hi kan ti ngam thung ang. 
   

Inkhelh-ah chuan goal hi a pawimawh em avangin goal thun thin striket te chu team zingah pawh a langsar leh lar ber ber an ni a, hlawh lamah pawh midangte u en an ni. 
   

Player tha tak tak an rawn chhuak thar zel a, mahse football chanchin hlui thlir erawh chuan tun hma lama striker te kha tunlai srtiker te hian kawng hrang hrang a tehin an la phak lo deuh niin a lang.  Tun tumah hian khawvel striker tha 10 kan rawn tar chhuak dawn a, thenkhat hi chu an chanchin i hriat fo tawh a ni ngei ang a, thenkhat erawh an hming pawh ila hriat ngai loh te an ni thungin a rinawm. 

10. Arthur Friedenreich 
   

Kum zabi 20 tir lam khan striker danglam tak mai hi a rawn lang a, a hming chu Arthur Friedenreich niin inkhelh kalphung tam tak a rawn thlak danglam a ni. A pa hi German sumdawng niin a nu hi Afro-Brazilian a ni thung. 
   

An hunlai hian midum te chu football khelh phalsak an ni ve lo va, Arthur pawh hian hun reilote chhung chu a tuar ve hman. Mahse, inkhelh atchilh tlattu Arthur chuan eng tin tin emaw football a rawn khel chho a, a hun chhungin goal 1329 zet thunin footballer ropui Pele-a meuh pawn a phak lo nasa hle. Friedenreich hi Sao Paulo League-ah khel thinin kum riat chhung zet top scorer a ni thei. 

9. Sandor Kocsis 
   

Sandor Kocsis hi a vanglai chuan player tha ber zinga chhiar a ni a, Hungary national team a ho hunlai phei chuan anni ang reng a team tha kha an awm ngai lo. Khelmual chhunga Kocsis-a an che tak tak mai chu sakawlh te pawh a ang hial zawk niin an sawi. A ropuina tizual turin a ram tana a khelh that ang bawkin club tan pawh a khel tha a ni. 
   

Kocsis hian Honved Budapest tan goal 150 vel a thun a, Barcelona lama a kal hnu pawhin goal 100 chuang a thun leh thei a ni. Hungary tan hat-trick tum 7 a siam bawk. 

8. Marco van Basten 
   

Football history-a hmingthang leh striker hriat hlawh ber pawl hian football chawlhsan hma lutuk lo seng chuan list-ah pawh hian tun aiin a tawng sang ngeiin a rinawm. 
   

1988 European Championship final-a chakna goal a khung kha a hunlai chuan a larpui vet vet hle. Club-ah chuan Ajax leh Milan tan a khel thin a, Marco hian league title leh European Cup-ah Milan a champion pui a, a ropui chhauh vanglai tak kum 28 mi lek a nihin hliam vangin inkhelh a chawlhsan a ni.

7. Romario
   

Romario de Souza Faria Brazil mi niin ram leh club tan goal 700 zet a thun. Legend Johann Cruyff an “genius of the goal area” a tih hial Romario hi, goal khungtu ropui leh skill nei tha tak a ni. 

6. Alfredo Di Stefano
   

Di Stefano hi Real Madrid player ropui niin a club hi title thahnem tak a lak pui. Kum 1955-1960 chhung khan European Cup-ah Real Madrid a zawnin kum 5 ngawt a champion pui thei a ni.  La Casa Blanca -a a khelh chhung hian La Liga-ah  goal 216 zet a thung a, Di Stefano hian a ram Argentina tan kum 1947 khan Copa America a chawi bawk. 

5. Gerd Muller 
   

Gerhard “Gerd” Muller hi a hunlai chuan striker tha leh hriat hlawh ber pakhat a ni a. A ram German leh Bayern Munich club tan a vanglai zawng zawng hmang ral a ni. Muller hi a theihna leh a technique san em vang hian striker hlauhawm ber pakhat a ni a, net hmaah a buai ngai meuh lo hian a ti hlauhawm zual. 
   

A tumah chiangin a goal shoot a thain a hlauhawm thei hle, box chhung leh pawnah a hlauhawm dan a danglam tam lo. A career-ah European Player of the Year, German Player of the Year tum 2 a dawng bakah Bundesliga top scorer tum 5 chuang a ni thei bawk. 2006-a Ronaldo-a'n a record a rawn khum hma zawng khan Muller hian World Cup-a goal thun tam ber record a chelh. 

4. Ferenc Puskas 
    Puskas hi Sandor Kocsis nen an inkawp kha khawvel player inkawp hlauhawm ber an ni hial awm e. An ram tana an pahniha an han inkawp kha chu an hunlai hre phak kha chuan an theihnghilh tawhin a rinawm loh. An hming lemah “Magical Magyars” ti in an phuah. Puskas hi striker tha tak a ni mai lo va, position hrang hrangah a tha em em vek. 
   

Ferenc hi a ram Hungary leh Real Madrid club tana mi tangkai niin ram tan game 85 a inlanah goal 84 zet a thun a, Hungarian league-ah Budapest Honved tan goal 352 zet thunin record a siam a, a hnuah Los Blancos a zawm a, kum 31 lai ni tawh mahse, goal 156 lai a thun leh thei a ni. 
    A hun tawna a pawi tih leh inchhir ber chu kum 1954, FIFA World Cup final-a Germany-in nasa taka an lehthal leh kha niin a sawi.

3. Eusebio 
   

Kum naupang te niin khawvel-ah a rawn lar chhuak a, 60's chho vel khan a hming a rawn chher chho tan a, Kum 1966 FIFA World Cup-ah khan a theihna mai bakah tunge a nih chiah khawvel-in a hre ta a ni. A ram Portugal chu semi-final luh puiin a thlengtu ram England lakah sawi buai theih takin an tlawm ta a ni. 
    Eusebio hi hma hun eng tak a nei a, Portugal national team leh Benfica club tana mi tangkai tak niin chawimawina tam tak a dawn a. A hun chhungin Eusebio hian goal 600 chuang thunin Ballon d’Or award a dawn bakah European Golden Boot hmasa ber chu kum 1968 khan a dawng a, a hnu 1973-ah golden boot hi a dawng leh bawk. 

2. Ronaldo Nazario
   

Ronaldo Nazario hi perfect striker sawi dawna entirna tha ber a ni hial awm e. Ronnie hi mual chhunga tih dan thar hmuhchhuah kawngah a sang hle a, talent a nei thain a skill ropui tak avangin football game khel tura duh thusam a ni. Ronaldo chuan Inter leh Barcelona-ah a hun hmasa hmangin khawvel a rawn barakhaih a, hun reilo te chhungin a hming dai ngai tawh lo turin football khawvel-ah hming a rawn chher der. 
   

Real Madrid lamah lut lehin ropui tak bawkin a rawn khel a, vanduai thlak takin The Phenomenon tia hming an phuah Ronaldo hian a khup-ah hliam a nei hlauh mai a, inkhel ve reng tho mahse, he a hliam vang hian club leh a ram Brazil tan a ropui tur angin a ropui pha ta lo. Chutichung chuan, Miroslav Klose-a'n a record a rawn khum hma zawng khan Ronnie hi World Cup goal thun tam ber a ni reng thin. FIFA World Cup 1994 leh 2002 chawiin Ballon d’Or award tum hnih hlan a ni bawk. 

1. Pele
   

He list-a striker tha ber hi football chanchina footballer tha berah mi tam tak chuan an ngai. Edson Arantes do Nascimento hi kum naupang te a nih lai atanga rawn lar niin kum 1950 FIFA World Cup khan kum 17 mi lek niin a ram Brazil chu a rawn Champion pui nawlh mai a, chumi ni atang chuan a hming thannain chuaini reng a nei ta lo. 
   

A hunlai chuan Pele hian record tam tak a siam a, a ram Brazil leh a khelhna club Santos tan top scorer a ni a; league a goal thun tam ber niin goal 541 a thun bawk. Football a khelh chhungin goal 1281 zet thun anga chhinchhiah a ni a, Copa Libertadores tum hnih chawiin Pele hi Santos club legend a ni a, FIFA World Cup tum 3 a chawi bawk. 

Share now