ZALEN : Nizan (5.9.2024) dar 8:00 khan Central YMA Kumpuan Committee leh Excise & Narcotics Department te chuan Chanmari West huamchhungah Meghalaya aṭanga lo chho TATA YODHA Motor aṭangin tunlaia 'GANJA' ṭha chi an tih Kg 28 leh Gram 237 an man. Ruihhlo neitu ni a rinhlelh leh Ganza te hi Excise Dept in an man nghal.

Central YMA chuan thuchhuah siamin tunlai hian ṭhalaite zingah ruihhlo ti thar an tam hle a, hei vang hian ruihhlo mamawhna a sang thar hle niin a lang. Ruihhlo chi hrang hrang No.4 (Heroin), Codeine (Khuh damdawi) leh Ganja te hi hmun hrang hrang aṭangin Mizoram ah lo lut tam zual a, CYMA leh Excise & Narcotics Department ten theihtawp an chhuah mek zel a ni an ti.

Central YMA Kumpuan Sub- Committee Chairman, Prof. Lalnuntluanga, CYMA Vice President chuan kan thalai te Ruihlo in a run na sa a, theihtawp chhuaha tan kan lak ho a tul tak zet thu a sawi.