ZALEN April 8, 2025 : IOCL in revised Retail Selling Price a tihchhuah angin, Mizoram chhungah LPG 14.2 KG (Domestic) leh LPG 19 KG (Commercial) leh a dangte rate chu bithliah thar a ni a, hei hi vawiin April 8, 2025 atanga hman tan tur a ni.

LPG Distributor awmna khaw hrang hranga LPG rate tharah hian Domestic Gas Kg 14.2 chu a man tihsan a ni a, Vairengte-ah Rs. 996.00 a ni ang a, Mizoram hmun dangah chuan Rs. 1005.00 a ni ang.

Sawrkar thuchhuakin a tarlan angin Aizawl Municipal Area leh District Hqrs. ah te 'home delivery' kalpui tawh tur a nih avangin Rs.70.00 belh zel tur a ni a, Godown-a hralh erawh chuan Rs.33.43 zel paih thung tur a ni. Tin, Home Delivery a kalpui thei lo veng, point delivery kalpuinaah chuan Rs.7.53 belh zel tur a ni.

LPG Distributor tin te chawm tur khua leh an hlat zawng tarlante hmanga KM zat leh pawisa chawi belh ngai zat tarlante hmangin a chunga rate tarlan atanga chhutchhuakin LPG Distributor ten an huamchhung khuaah theuh LPG hi an sem thin tur a ni.