General Consent chungchangah Chief Minister-in MPF hnenah thu dik ziktluak lo a sawi - Congress Vigilance Cell
![](https://zalen.s3.ap-south-1.amazonaws.com/images/news/1721983842_Chuaua.jpeg)
Aizawl July 26, 2024 : Congress Vigilance Cell chuan July 25, 2024 (Ningani)-a Mizoram Peoples' Forum (MPF) hruaitute hnena Chief Minister Lalduhawma'n CBI hnenah 'ram dan tharin a phut ang thlapin general consent kan pe' tia a sawi chu thudik ziktluak lo, Mizoram mipuite rilru hruai sual tumna a awm niin an hriat thu thuthar thehdarhtute hmaah an sawi.
Congress Vigilance Cell Chairman Lalnunmawia Chuaungo chuan, "Mizoram mipui ten thudik pumhlum an hriat theih nan tiin Press Conference hi kan nei ta a ni. Chief Minister leh ZPM sawrkar sawisel ngawr ngawr hi kan tum a ni lova, amaherawhchu, mipui ten thudik an hriat theih nana ke pen hi kan tih tur leh mawhphurhna ni-ah kan ngai a ni," a ti.
"Kan Chief Minister-in "ram dan tharin a phut" a tih hi Indian Penal Code, 1860 thlaktu Bharatiya Nyaya Sanhita, 2023 niin a lang a. CBI consent pek chungchangah he dan thar hian engmah phut a nei lova, CBI Director-in State tinte hnena lehkha a thawn dungzuia ZPM sawrkarin consent/ remtihna thar an pek July 1, 2024 a Mizoram Gazette Notification a an chhuah ah pawh khan he "dan thar" hi sawi lan a ni miah lo," a ti bawk.
MPCC Sr. Vice President chuan CBI hnena phalna (consent) pek chungchangah hian general consent nge a nih partial consent tih aia pawimawh zawk chu "Phalna/ Consent pek hian enge a huam" tih hi a ni.
"Kan Chief Minister-in kum 2023 MLA election campaign lai a CBI hnena 'general consent' pek a tiam thin leh sawrkar thar pian hnu a Mizoram Legislative Assembly session hmasa ber neih lai, December 14, 2023-a a sawi .. 'Kan sawrkar kalta ah khan Lokayukta-in CBI hnena pek a rawt pathum lai kan sawrkara thehluh kan sawrkarin a lo dang chat a, pek a phal lo a nih kha. Keini erawh chuan general consent kan pe dawn a, engmah phalna min dil min dil a ngai dawn lo. An kuta thu lut chu an investigate mai dawn a ni,' a tiha general consent a sawi leh tuna general consent kan pe ti si a July 1, 2024 Gazette Notification an chhuah a 'Mizoram sawrkar hnuaia public servant te CBI in an chhui hma in State sawrkar phalna ziaka lak hmasak phawt tur a ni,' an ti leh si hi a inkalhin chhun leh zan ang a ni," a ti bawk.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024