Rapper leh lemchan thiam ring chhungah kut tum hmanga insual turin khung dun an ni dawn - en chak lo tunge awm ang?

Mizo rapper lar G'Nie-a'n boxing a luhchilh tur thu social media kaltlanga a tarlan hnu lawkah a inhekpui tur tih chian a ni - a hming chu maw Papuia Pachuau a ni! An fiamthu emaw i ti  a ni mai thei, April 29-ah ring chhungah an intawng dawn a, engkim a chiang dawn. 

G'Nie vs Papuia hi a thleng a nih ngat chuan a boruak a lian dawn tih a chiang a, tun atanghin mipui ngaihven a ni nghal der tawh. En chakin mipui an phusa tan der tawh a, awih lo fe fe pawh an awm - mahse a thleng ngei dawn niin a lang ta. An inhnek tur hi K&P Etertainment ten an buatsaih niin, April 29, 2022, Zirtawpni zanah an inhnek dawn a, a hun tur pawh a chiang thuai tura ngaih a ni.