Aizawl June 16, 2023 : Tunhnaia Hachhek Assembly Constituency-a ding tura Political Party pakhat Candidate puannaah ran eng emaw zat talhin mipui sang chuang tan ruai buatsaih a ni tih hriat a ni chu Mizoram People Forum chuan tha lo an tih thu thu an sawi.

Candidate tura puan hian Higher Secondary School leh College hrang hranga zirlai admission fee tum sak vek a tum thu a puang niin Mizoram People Forum, General Headquarters chuan thu a dawng tih an sawi bawk. 

Inthlan campaign nana ruaitheh, sum, therhlo leh a thlawna thil tihsak intiam hi MPF leh Political Party-te Thawhhhona Thuthlung bawhchhiatna a ni a. MPF chuan he thil thleng hi a la thu tak hle, tih an sawi a hetiang thil hi khawi hmunah mah thleng tawh lo se an ti.

MPF chuan party hrang hrangte chet dan hi thlirin an vil zui zel dawn tih an sawi a, Political Party-te nena kan thawhhona thuthlung hi rinawm taka zawm zel turin MPF chuan party zawng zawng a ngen thar leh tih an sawi bawk.