English singer Harry Styles chuan album thar a buaipui leh mek a, May thla khian tihchhuah a ni ang. A studio album pathumna tur hi May 20-ah release a i dawn a, hla 13 a awm dawn a ni. 

Kum 28 mi Harry Styles hian tun hnai khan a music album thar tur chungchang hi a sawi chhuak a, fans lam pawh an phur hle. A album title tur hi 'Harry's House' tih a ni dawn a, official teaser pawh tihchhuah nghal a ni. A album hmasa ber 'Harry Styles' chu May 2017 khan a tichhuak a, 'Harry's House' hi kum thum dawn hnua a album tihchhuah leh hmasak ber tur a ni ang. 

Harry Styles hi English-Irish boy band 'One Direction' member thin a ni a, tunah erawh band angin an che chhuak tawh meuh lo a, solo album a buaipui pawh hi a mak lo. April thla hian Coachella music festival-ah a perform dawn a, June atangin tour a nei bawk ang.