ZALEN April 16, 2025 : Mizoram Health Care Society chuan Mizoram Universal Health Care Scheme (MUHCS) kumin April thla (1.4.2025) atanga hman tan a nih atangin Damdawi In a, damlote enkawlna atana bill lut 592 te senso Cheng 3,621,840/- chu pek tlak vek tawh a ni tawh an ti.

Mizoram Universal Health Care Scheme (MUHCS) hnuaia inenkawlna senso te hi damdawiin hnenah pek tlak nghal zel a ni a, tun dinhmunah damdawiina, damlote enkawlna atana bill lo lut 592 te senso, ₹. 3,621,840/- chu pek tlak vek tawh a ni. MUHCS hnuaiah hian phai lama enkawl ngai (Refer) mi 200 chuang thawn an ni tawh bawk a ni.

MUHCS hnuaiah hian Mizoram chhunga sawrkar damdawiin, kohhran leh mimal enkawl (empanelled hospital) ah te man chawi lova inenkawlna kalpui mek a ni an ti a, scheme thar anih angin scheme tan hma in thawktute hnenah scheme kalphung zirtirna pek an ni a. Scheme kalpui danah her rem ngai laite siam rem zel a ni a, empanelled damdawiin te hnenah hriattirna pek nghal zel an ni.