— C.Vanlal Ruaia Kum2014 chhung zawngin a everage-a lakin kar tin News paper-ah Zu chungchang a lang ang a ni. Kumin phei chuan a zual kai. Kum tir atang khan ni tin a la luah reng a. Social Issue a nih avangin sawi a tul lo tih ngawt chi a ni lo. A chhan chu mihring duhzawng inkhapsak tum mai vang a ni. Khawvel ram tinah sorkar chuan muanawm takin thil a ti thin. Chung chu ‘Remedial measure’ an ti. Chung zingah chuan kan khap sen si loh, Khawpui service leh AIDS kaihhnawih, a ziaawm deuh nan Condom an sem thin leh zu in lo thei lote tan a thianghlim tihsak an tum te hi a tel. Han thlir vang vang hian Assembly-a kan thlanten Public interest nia an hriat han enchhin vena pawh awm lo, khawimaw lai atanga tute duh dan emaw lo lak vawng/so chiam hi thil tha a ni ang em? Tun dinhmun Mizo khawtlang nunah hian zu hi sual ang hiala hriatna a lo awm ta. Heng hi a chhan bul chu British Expedition khan ramdanga an lo chin thin angin, Military Contingent zinga thlarau lam malsawmtute dah thin. Indonaa thite mual liam thlahna, rawngbawltu, Chaplain an rawn chhuahpui a ni. A hun lai khan J.Shakespear te khan chuan ‘Chaplain’ ti lovin ‘Padres’ tiin an lam thin mah awm e. Chung chu keinin Tirhkoh (Missionary) ka ti thin a ni. Mi tam takin kan hria; mahse, he ngaihdan hi kan ban thei lo. Zu kan khawih chuan thil tisual rilru (quilty feeling) kan nei tlat zel a ni. Khawvel hnam chi tin, hnam fing leh mawl pawhin an mahni siam zu tui tak an nei vek, an kût ni vangthla leh chhiat ni thatniah an lek lam fo. An hmang sual ngai lo. Chutiang chiah chuan Mizote pawn zirtirna hran an dawn hma chuan an hmang sual ngai lo. Kût ni chuan mi tinin an duh chuan an in vek thiang. Zu ruiha chapo tlat hi hnam mawl zingah a awm chuang ngai lo. Hnam dang nunze pawlh lohziaah chuan ai leh ai lo, thiang leh thiang lo, puithuna kha an la na (ngai pawimawh) em em a. Hengah hian khawtlang dan bak a chetna hleihluak hi thiang loah an ngai thin a. Nun tluang thei loah an ngai thin. Missionary-te an thu zirtirna a chak theih nana Mizote hnen atanga sahthlak a, ‘Sual a ni’ tia an zirtir khan kan lo hman dan nen a inmil miah lo leh thil sual tia min rawn zirtir khan nun dan suakbak Mizote hnenah a thlen ve bawk a ni. N.E.Parry ICS, (Mizoram Lushai Superentendent 1924) khan Mizoram leh Tlang mite Chanchintha min hrilhna kawnga an thil tih tha lo a ziak chiam a. Missionary Training-na tha nei loten an thil zirtir atangin thil tha lo, hnam nun an tihchiai (anthropological approach) hre lo zirtirna that lohzia a hre tawh a. Annin zu in reng sia Mizo Kristiante zu in phal loh kha a a pharisai lutuk tia a sawi chu i han enchiang dawn teh ang, a awmzia ka leh chhuah phak loh takin, an tawngkam ngai ngaiin ka’n dah zawk ang e… “Again Lakher and Lushai Christians are not allowed to drink wine, beer, or spirit, and no one can become a Christian whoever touchs alcohol. In the author’s opinion this is going much too far. It would therefore be better to encourage temperance than to insist on prohibition. Among more civilized people prohibition has led to deceit; its result are the same among these primitive hillmen.... But if Christianity spreads and prohibition is insisted on the same ill effects will occur. There is bound to arise a body of ex-christian who have been turned out of the church for drinking beer but who having lost their own beliefs are subject to no moral sanctions whatever.” ‘Lakher te, Lushai te reng reng zu, Beer, Siprit in phal an ni lo, zu in reng reng leh zu lam khawih tawh phawt chu Kristian an ni thei lo reng reng. A ziaktu rilruah tak phei chuan hei mai a la ni lo, khapsaka in lohtir ai chuan in dan tawk zirtir a, nghei thleng pawha zirtir chu a tha fe zawk ang. Hnam fing zingah pawh inkhapsak reng reng hian an nunah hrisel lohna (lemdernun leh hlemhletna) a lo thlen tawh thin a. Hetiang chiah bawk hian heng tlang mite chungah hian thil hrisel lo a thlen ang. Chutiang zelin Kristian an lo pung ang a, kan khapsak luih chuan khatiang bawk thil chhia kha an nunah a rawn thleng dawn a ni. Chu khuahkhirhna chuan Kristian atanga talchhuahna leh beer in duh avanga pawl chhuahsan duh hialna, ngaihsak reng reng lohna tur a thlen thei hial ang,’ tihna ang a ni. Parry thu sawi khi han thlirlet hian hnam fing zingah pawh prohition chuan lemder nun leh hlemhletna a hring a tih ang khian, thil tih ruk leh dan bawhchhe rilru a lo tam lo thei lo va. Kan nghet lo va, kan phu zuk a, kan phakarin kan rinawm lo zo ta em ni a tih theih awm e. Tichuan, missionary-ten an zirtirna atanga ngaihdan thlak - Zu, Zawlbuk, Tlawmngaihna an zirtirna Pharisai tak mai atanga an tih danglam leh an zirtirna chuan an nunah suakbakna nasa tak a thlen tur leh a thlen mek a hmuh chuan tiang hian a sawi leh a: “they see many Christians who use alcohol, and naturally ask why their particular brand of Christianity prohibits all alcoholic drinks. As they become more enlightened they will enquire deeper and trouble will ensue. With a primitive people absolute truth is essential; once you deceive them even with good motives, you forfeit their trust. For this reason, to make abstinence from drink an essential tenet of Christianity is entirely wrong and is bound to lead to trouble.” ‘Mizoten Kristian (Sap) zu in tam tak an hmu a, engvanga an mahni Mizo Kristianho chu zu in khapsak bik nge an nih tih hi an lo fing deuh ang a, thuk deuha ngaihtuahna an rawn neih hunah an chunga buaina rawn thlentu tur a ni. Hnam mawl zawkte chungah thu dik tak sawi hi thil pawimawh a ni a. Vawi khat thu dik chhuanlama i bum tawh chuan an rinawmna i tihchhiatsak der a ni. Hei vang hian Kristiana siam duh mai avanga zu suala zirtir chu a dik lo lian hle a ni. Chu chuan buainaah a hruai lut nghal dawn a ni.’ Mc Call, A G. (Lushai Superentendent 1934) ve thung chuan missionary zirtirna avanga Mizoten an ze mawi tak an hlauh tur leh zu in loh ringawtina vanram thlentir an tum kha a duh lo va, tiang hian a sawi ve thung: “….success was also facilitated by the fact that Christianity was, from the economic or material point of view, not a costly religion, nor has very much been demanded of the convert, except regular church attendance and the giving up of Zu, if he or she happened to be a Zu drinker.“ (Lushai Crysallis p. 207) “hlawhtlinnate Kristianna thil tha taka a innghah laiin leh sum leh paiin a lei theih loh leh phut avanga Kristian tur a nih loh laiin inkhawm tam leh zu in loh chu Kristian nihna ropui tak, zu lo in thang thin ni mah se tih chu an zirtirna a ni,” tiin. Heng zu in lo tura zirtirna hi mi rethei, zu in tur nei lote tan tlanchhiatna remchang a lo ni ve bawk a. Zu in loh ringawt chu Kristian tha takah a hun lai Mizote chuan an ngai ta a ni. “The main mission impact fell upon the ordinary people. Many were too poor to take Zu regularly, as a diet, like the Nagas of the Naga Hills do. Their sucrifies chiefly meant not drinking Zu at sacrifices and feasts, which, in turn, became increasingly rare, as conversion and attendance at church dispensed with this costly need.” (Lushai Crysallis‘ p. 208) ‘Missionary-te thu hrilh hi mimir chungah a tla a, mi thenkhat (Mizo)-te chu zu zan tina in tur chuan an rethei si a, Nagaland lama missionary-ten an lo zirtir ang bawkin Kut ni vangthla leh serh leh sangah zu tel loa an tihtir tak chu a khingbaiin a lo tlem tial tial a, a lo hautak bawk nen hautak lo zawk Kohhran lam chuan a lo luah lan tial tial a ni.’ Tichuan, Mc Call pawh hian missionary-te thil tih dik loh tam tak a sawi hnuin ‘Hlimruihna te hi Mizo atanga chhuak ni lo in Wales-ho hnen atanga an lak a ni thei,’ a ti. Pu Tarmita, J.Shakespear Mizoram Lushai Superintendent hmasa ber khan a chawlh (pension) hnua England-a a awm laiin Mizorama Lushai superintendent L.L.Peters kha lehkha a rawn thawn a, Military zinga Chaplain (missionary) ten Mizote zu in lo tura an zirtir kha mak a tihzia leh England lamah anmahni pawn an in tho thin sizia, a pharisai tiin he lehkha thawnah hian a sawi leh a: “………..the most wonderful thing to me is that the Padres have got the Lushai to give up Zu. That seems to me really a miracle. Of course, I don’t approve. The lushais in my day were not drunkards…… Tin, Lal leh khawnbawlten rorel pahin zu an in thin a, Lalho khan zu in kalsana Kristiana inpek zung zung chu an ti thei mai lo a. Heng hi missionary-te tan chuan thil hnawk tak leh an zirtirna titlangtla lotu a ni a, chu an mutan chu thiah a ngai a ni, an thiah loh chuan an zirtirna a kal chak thei lo. Lalho kha Kristian an ni mai thei lo va. Zu in tur nei ve thei lo mi retheiho khan Kristian chu an han hnar phawt a. Missionary-ten an lo lawm ngei bawk a; chu chu an raltlanna leh an inhumhimna kulhpui ber a lo ni chho a; Lal leh mimir inkarah innghirnghona a lo lian ta viau a. Mimir an pawr a, Fathang/Sachhiah an tawng a. Lal leh Bawrhsap an inthurual a, Missionary te leh mimir an inthurual thung a. He Insakhithingchunglawn hi kal zelin kum 1946 vel Mizo Union lo pian thleng pawh khan mipui chuan Bawrhsap leh Lal ep zawng zelin Mizo Union leh mipui chu an vung chho ta a ni. Tichuan, Lal leh Bawrhsap chuan zu an in thina. An kal lohna lam zel chu mipui tuina ani ringawt mai ani. An fel em em vang a Kristian a inpe pawh an ni chuang lo niin a lang. ”Roreltute chu Pathian ruat a ni” tih Bible lam te chu an hre chuang lo reng reng a ni. Weles Tune-in Pathian kan bia a, hla chang “Chawl lovin an kal zela , Thidang lovin an kala…. “ Heng hla sawt alh alh mai(weles tune) hi kan nu leh pate, kum 70/80 la inkhawm ve peihte kan han sakpui thin a nia. An hrawk leh leili hian tlinin ka ring lo ve. tih theih tak a ni. Mingo en tawn vang bawk a ni.