ZALEN February 2, 2025 : Mizorama HIV/AIDS chungchanga committee sang, Mizoram State AIDS Control Society (MSACS) Executive Committee chu Zirtawpni kalta khan an thukhawm a, India ram puma HIV/AIDS lama hnathawk tha state 10-ah Mizoram a tel mek tih tar lan a ni.

Kumina MSACS Executive Committee thutkhawm hmasak ber hi Health Secretary Sangchhin Chinzah, Executive Committee Chairman ni bawk chuan a kaihruai a, MSACS Project Director Dr. Jane R Ralte chuan ram puma HIV/AIDS lama hnathawk tha state 10 thlanchhuah zingah Mizoram a tel mek thu a sawi a.

Thutkhawmah hian kum kal mek, 2024-25 chhunga hmalak mekna thlirho niin kumthar 2025-26-a hnathawh dan tur ruahmante thlirho a nih bakah MSACS-in a thawhpui NGO-te hnathawh dan pawh thlirho a ni bawk.