ZALEN May 31, 2024 : Aizawl DC Nazuk Kumar, Aizawl District Disaster Management Authority Chairman ni bawk chuan Hlimen leh a chheven chu leimin hlauhawmna a nih avangin leimin hlauhawmnaa cheng te insawn chhuak turin a hriattir.

Section 30 (2) (iii) of the Disaster Management Act hmangin Nazuk Kumar, DC Aizawl District leh Chairman, District Management Authority chuan, "Hlimen leh a chhehvel, leimin hlauhawmnaa cheng zawng zawng te chu an chenna chhuahsana hmun him lama insawn turin hriattir an ni e" tiin thupek a siam a.

Cyclone Remal vangin Aizawl District chu Mizorama chhiatna tuar nasa ber pawl niin chhawmdawlna leh chhanchhuahna hna thawh mek a ni a. Mizoram State Emergency Operation Centre (MzSEOC) atang leh Directorate of Mining atanga thudawn danin Hlimen leh a chhehvel leilung chu a nghet lo hle a, ruahtui tam zawk a tlak pehi chuan chhiatna nasa tak thleng leh thei a ni bawk a. Hemi vang hian nimin May ni 30 khan thupek hi a siam ta ni.