Mizote hi khawchhak lam atanga lut kan ni tih a chianna em em pakhat chu hmanlai hmun hmingthang awmna chu khawchhak lam a nih deuh vek bakah mi cheng hmasate khawsakna (history) an sawi pawhin khawchhak lam, tuna Myanmar ram chhung a nih loh pawhin Mizoram khawchhak lam a ni deuh zel a. A tlangpuiin Tiau lui kam bawr vel atanga Run lui inkar a ni deuh ber.Mizote hi khawchhak lam atanga lut kan ni tih a chianna em em pakhat chu hmanlai hmun hmingthang awmna chu khawchhak lam a nih deuh vek bakah mi cheng hmasate khawsakna (history) an sawi pawhin khawchhak lam, tuna Myanmar ram chhung a nih loh pawhin Mizoram khawchhak lam a ni deuh zel a. A tlangpuiin Tiau lui kam bawr vel atanga Run lui inkar a ni deuh ber. Hmanlai hmun hlui kan humhalh zingah pawh a tam ber hi chu khawchhak lam, Tiau kam chhehvela mi a ni tlangpui a, a bak hi chu Sapho lo luh hnua an insak te a ni leh mai. Sap ho insak te hi kum 100 chuang an nih hnu pawh hian a tam zawk hi chu an la tha em em mai a, hei vang hian humhalh pawh a phu a, mi thenkhatten thiat a, cheithat te han duh thin bawk mah se a tam zawk hi chu INTACH hmalaknain tun thlengin humhalh zel a la ni a, hei hi thangtharte tan a la hlut dawn vang a ni. Art & Culture department-in December 29, 2008-a Notification a tihchhuah ah chuan Mizoramah hmun hlui humhalh mek (protected monument) 42 a awm a, hengte hi tarlan tawh angin hmanlai milar hmasate hmunhma leh lungphun te a ni ber a. Heng bakah hian sapho insak pawh eng emaw zat a tel a ni. Hmanlai hmun hlui humhalh zingah hian Archeological Survey of India (ASI)-in a zirchian bik atan hmun pali - Kawtchhuah ropui (Vangchhia), Farkawn, Lianpui leh Lungphunlian te chu thlan an ni a, heng zingah hian tunah hian ASI chuan Vangchhiaah hian hma lain an zirchiang mek a, hmun dangah pawh hmalak chhunzawm an tum nia thudawn a ni. Hmanlai hmun hluite hi thangtharte hian an hlut chho tan hle a, an la hlut deuh deuh dawn niin a lang. Thiamna a sang zel a, zir mi tha tak tak an chhuak zel bawk a. Chuvangin, kan hmun hlui awm dan dik tak an zirchian theih nan tuna a awm dan pangngai khawih chingpen zawng ni lovin a awmdan ang tak humhalh zawnga hmalak chhoh zel a pawimawh a. Sawrkar hi kan ingnghahna a nih loh theihloh avangin a bikin Art & Culture department pawhin nasa lehzual a tan a lak a pawimawh khawp mai.