Aizawl August 18, 2022 : Nimin leh vawiin khan Excise & Narcotics Department chuan Zokhawthar Road, Champhai ; Vaivakawn leh Armed Veng South, Aizawl-ah te heroin tam tham tak an man a, hmun thuma an man hi gram 529.090 (Hawng 39) a ni.

August 17, 2022 (Nilaini) zan dar 10:30 khan Excise & Narcotics Department hian
Zokhawthar Road, Champhai District-ah Heroin gram 126.050 (Hawng 10) leh a neitu nia rinhlelh mi pahnih – Vanruatpiang (40) s/o Suiluai (L), Zokhawmawi, Myanmar leh
Lalthawmmawia (32) s/o Tlanthanga, Dungtlang, Champhai District-a khawsa mek nia
inchhalte man an ni.

Excise & Narcotics Department vek hian August 17, 2022 (Nilaini) zan khan
Vaivakawn, Aizawl-ah Heroin gram 102 (Hawng 7) leh a neitu nia puh mi 2 – Roengmawia (25) s/o Kaithuama (L), Rangvamual, V Section, Aizawl leh Chingsanawl (37) d/o Chinkhamlang, Darkhai khua, Tangzang District, Myanmar-a khawsa mek nia inchhalte chu an man leh bawk.

August 18, 2022 (Ningani) khan Excise & Narcotics Department  hianArmed Veng South, Aizawl-ah Heroin gram 301 (Hawng 22) leh a neitu nia puh nupa, Zaikhumi (50) d/o Thangchhunga (L) leh Lianlaia (58) s/o Thanliana, Zokhawthar, Champhai District, tuna Armed veng South, Aizawl-a khawsa mek nia inchhalte chu man an ni.

Excise & Narcotics department ten nih hnih chhunga heroin an man hi gram 529.090 (Hawng 39) a tling a ni. Ruihhlo vanga mante hi The Narcotic Drugs & Psychotropic Substances Act 1985 (NDPS Act) tlawhchhanin thubuai siamsak an ni.