ZALEN June 24, 2024; Nimin (23.6.2024) chawhnu dar 2 khan Aizawl Traffic Police-te chuan Vanapa Hall-ah infuihtharna hun hmangin; Stephen Lalrinawma, Sr. SP, Traffic chuan he hun hi a kaihhruai a, H. Ramthlengliana, IPS, DIG, Northern Range chu Khuallian niin Traffic Police hna thawk tha bik; mi pariat (8) hnenah lawmman a hlan.

Stephen Lalrinawma, Sr.SP, Traffic chuan Unit hmalakna hrang hrang sawiin, AMC, PWD, Local Traffic Management Committee etc. te nen thawhhona tha tak an neih thu a sawi a, mipuiin dan an zawm that avanga lawmawm a tih thu a sawi. Dan kenkawhna kawngah theihtawpa thawk chunga hriatthiamna thûk tak nei chunga kal a tul thu sawiin; dan bawhchhiatna enliam mai mai lo tur te, hawihhawm taka dan kenkawh zir zel turin kalkhawmte a fuih.

Khuallian, H. Ramthlengliana, IPS, DIG(NR) hnen atangin fuiihna thu tha tak tak ngaihthlak a niin; a kaihhruainain Traffic Unit atang chatuan ram pan tate sunna hun hman a ni.

Traffic Police hna thawk tha bik thlanchhuahte hnenah hetiang hian lawmman sem a ni.

1. Best Zonal Officer : ASI Aldrin R.Lalthangkhuma

2. Best Sector Officer : Nk C.Lalthawmmawia, 5th IR Bn. attach to Traffic Unit

3. (a) Beat Beat Officer : Nk Zaithangzaua, 3rd IR Bn. attach to Traffic Unit

(b) Second-place Beat Officer : GM/562 R.Lalthazuala MRHG attach to Traffic Unit

(c) C/206 lalduhawma, Traffic Unit

4. (a) Best Traffic Point Duty Officer : C/40 Lalchhandama, 3rd IR Bn. attach to Traffic Unit

(b) Second-place Traffic Point Duty Officer : GM/782 R.Lalramchhanpuia, MRHG attach to Traffic Unit

(c) C/279 Lalsiamkima, 3rd Bn. MAP attach to Traffic Unit