ZALEN April 3, 2025; Hnamdang (vai) ten hnathawhna leh sumdawnna-ah kan buzawl min luhchhuah mek a, bawngsa, secondhand thlenga zuar an awm tawh.

Hnamdangte hiam cement work lamah chuan thawh sen loh hna an hmu emaw tih mai tur khawpin, cement mistiri leh helper te an ṭul em em a, hmun tam takah ṭhekha in hna an la a, hmun hrang hrangah an indaih lo hle niin a lang.

Sumdawnna kawngah pawh huang an zauh zel tih theih turin, kuhva/panhnah etc. lam mai ni lo, ualau taka bawngsa zuar thlengin an awm tawh a, hmun hrang hrangah hmuh tur an awm. Heng bakah hian secondhand thlenga zuar an awm tawh.

ILP hmanga Mizoram lut an ni a, an thawh tur dik tak an thawk em? Cement work lam thawk tur an sumdawng daih em? Enfiah an ngai hle niin a lang.

Hetihlai hian kum 2024 chhung khan temporary Inner Line Permit (ILP) pek mi 1,29,953 an awm a. Regular ILP pek 7,927 leh renew 5,675 an awm.

Hetihlai hian heng hnamdang sumdawngte hian thawhpui an nei thin niin an sawi a, chungte chu Mizote bawk niin sawi a ni thin.