Aizawl; Hapta 3 liam ta chhung khan Mizoram pum khaikhawm in covid 19 positivity rate chuan mass testing belh/ chhut telin hniam lam a pan zel hrih a, hapta 1 zel khaikhawm na atanga a landanin positive te pawh a nambar zawngin an kiam zel hrih.

Positivity rate hi hapta 1-naah 9.01% (case 5,314) niin hapta 2-naah 7.86% (case 4,223) a chhoa leh a, hapta 3-naah 6.87% ah tlahniamin (case 3,142) a ni bawk a ni.

Damlo chhuah tir pawh protocol thar zawm leh zawm loh karah hapta 3 kalta chhung hian an a eng lam a la hawi hrih a. Hapta 1-naah 92.8 % (4,934) niin hapta 2-naah hri kai aiin a chhuak an tam zawk a, 6050 chhuakin a rate chu 143.26% lai a ni a, hapta 3-naah damlo lut aiin a chhuak a letin an tam zawk a, 6653 chhuakin 211% a ni.

Ram pawn atanga hripui lo pulut zat chu hapta 3 indawtin - mi 33 (0.62%), mi 20 (0.47%) a ni a, tun hapta liam khan 13 (0.41%) chauh an ni.

Hapta 3 chhunga sample lak zat chu nitin a lak leh mass test belhkhawmin 158,350 lai a tling a ni.